QPR債仔收禮

猪拉多纳

歐聯十六強次回合賽事絕對唔易搞，好多場都形勢一面倒，領先一方仍然讓得多，要特別小心處理。好似拜仁對住阿仙奴，拜仁牌面睇落贏得，但今戰要讓到球半、兩球，上盤唔抵玩，肥叔認為投X策略應以大盤為主，因為輸緊嗰隊都會盡人事收復失地，容易製造入球騷，同時可兼顧埋下盤，ＡＣ嗰場都可以用呢個買法。
白禮頓冇後勁會現形

講番今次重心推介，英冠賽事白禮頓主場對昆士柏流浪（ＱＰＲ），捧客隊！呢場兩隊都想升班，白禮頓幕後人同肥叔有多少交情，佢哋都好恨上英超，但係班波去到季尾後勁一般，主要因為班底唔係好強，呢個時候就會現形。至於ＱＰＲ負債還負債，但計人腳點都高過對手，只要慢慢打番起個勢，喺英冠仲係超班嘅，呢場受讓可試下盤。

（周三凌晨3時45分開賽）

英甲方面，肥叔繼續跟進老友嗰隊賓福特，原因好簡單，主理人有心有力，班波主場惡氣十足，對住弱旅燦美爾食菜咁食啦，呢場係大勝格，就算讓得多都唔怕，照捧上盤！

（周三凌晨3時45分開賽）