喜來仙子早飛勁

猪拉多纳

　　根據周某觀察，高伯新馬房臨場落飛啲馬，通常有料到，呢個情況可能同樣發生喺隔晚有飛嘅馬身上。點解突然講呢啲？因為噚晚睇飛，發現高廐三匹出賽馬中，有兩匹隔晚票數大幅上升，佢哋分別係第三場「喜來仙子」同第四場「大家贏」（見表），睇吓可唔可以起孖。

　　第三場「喜來仙子」今季轉入高廐之後，跑六場全部係大冷門，最熱嗰次都有33倍，而上仗更加係97倍，輸十個多馬位一啲唔奇，問題係今次轉嚟谷草1650米，隔晚竟得6.4倍？究竟點解？相信唔多唔少同佢排二檔有關，既然今次有飛，不妨捧W。

　　至於第四場「大家贏」上仗初跑谷草1650米可獲季軍，自然有人追捧，仲係由上仗91倍捧至隔晚4.9倍，擺明信心十足，搏殺格。騎師王方面，安國倫今晚坐騎實力唔錯，5倍可一試。周仲