帕爾馬弗爆添食

猪拉多纳

AC大聲夾冇準

意甲最強球隊祖雲達斯今屆於歐聯無法突圍，搞到要轉戰歐霸盃，某程度上反映咗意甲水平下跌，依家已非歐洲一線聯賽。最麻煩係當地名牌球隊米蘭雙雄都係問題多多，由於資金短缺，冇乜人肯大搞，相信呢個聯賽短期內都好難翻身。

AC米蘭以往有老細照住，曾經雄霸歐洲球壇，不過現時貝魯斯干尼年紀大已有退意，投放資源唔多，班波依然具名氣，仲搵到本田圭佑呢類球星幫手，所以繼續扯飛，但踢落真係冇乜料到，上場歐聯畀馬德里體育會大數，明顯級數差一截。AC名大於實，呢次返到聯賽主場對帕爾馬讓到半一，論近況帕爾馬好好多，近七戰五勝二和，呢隻下盤博得過！

（TVB 301周日晚10時直播）
阿特蘭大現低水和波格

同日另一場意甲賽事阿特蘭大主場對森多利亞，兩班波都係中游分子，基本上都半隻腳上咗岸，佢哋近況同樣唔錯，呢場係正宗五五波。每逢去到賽季中後段，意甲都會出現唔少低水和波，今場普遍莊家將和波賠率壓低到3倍，部分甚至開得更低，呢場波和味甚濃，預期入波唔多，可留意細盤。

（TVB 301周日晚7時30分直播）