見招拆招:實業輝煌換人搏殺

不死鸟

徐君禮已經係大師傅、蔡明紹亦已贏過廿九場馬，策騎經驗唔算淺，點解會響陣上畀「銀太陽」亡命快放﹖至於剛戰另一位響前段鬥搶嘅主角，就係騎「鑽飾光芒」嘅楊明綸，步速智慧如何大家有目共睹。

         始終馬場係一個牽涉大量金錢嘅地方，如果騎師唔認真去跑每場馬，又或者冇足夠能力操控馬匹，就會令投注者陷入不利處境。筆者大膽講句，如果五月一日競賽小組就「銀太陽」嘅跑法判罰，咁呢隻馬剛戰未必會再狂放。到依家小組仍然只係告誡徐雨石，並話繼續監察「銀太陽」日後出賽時嘅騎法，咁呢隻馬下次再出，仲賭唔賭好呢﹖

        講番聽日賽事，第四場五班泥地千二米，「皇龍飛駒」出王牌報名兼配杜利萊，值得信賴。第九場三班泥地千二米，「實業輝煌」強配馬偉昌，爭勝決心甚大。