方程式換人有料到

猪拉多纳

　　噚日睇飛，發現大部分轉彎路程賽事嘅熱門馬都係排喺內檔，睇嚟好多人覺得今日場地對內檔馬較為有利，捉路要信。

　　話明內檔馬惹飛，排一檔自然更受人注目，就好似第十場「紅衣巨龍」同第十一場「方程式」咁，隔晚獨贏票數大幅增長（見表），信飛要秤先佢哋。「紅衣巨龍」今季好似慢熱咗，跑咗六仗都係得一席第三，對上兩仗仲要落敗五個多馬位而回，但係馬迷對佢未失信心，今次除眼罩排一檔，隔晚竟然得5.5倍W，同上仗嘅31倍W根本係兩回事，千祈唔好睇小。至於跑第十一場嘅「方程式」，上仗由湯智傑騎冇人理屬正常，今次改配何澤堯排一檔，隔晚得5.3倍W絕對唔簡單，希望飛到馬到啦。騎師王開盤唔夠一陣，操盤手就將潘頓嘅賠率調低至2.75倍，睇嚟有料到。(周仲)