山度士彭美開「大」餐

猪拉多纳

爭「總冠軍」唔係講玩

巴西聖保羅省聯賽今晚爆發名牌大戰，由山度士主場硬撼彭美拉斯。呢場波嘅1萬1千張波飛前日已經售罄，咁搶手皆因今仗係決定首階段總冠軍誰屬之戰。山度士想後來居上做「一哥」，今鋪肯定起勢搶攻，遇上擺大個頭嘅彭美拉斯，梗要捧1.85倍大啦！

（開賽時間：周一凌晨3:00）

雙方都已經喺所屬組別奠定首名資格躋身8強，今仗勝負雖然只係爭名義上嘅首階段總冠軍，實際上唔係話咁重要，不過山度士教練奧利華拉就講明唔會留力，點都要爭番個「一哥」位嚟坐吓，戰意勁旺盛。環顧20支巴省聯隊伍，山度士係火力最強嗰隊，14戰喪入37球，以李安度達美奧為首嘅鋒線都咪話唔得人驚。
彭美三叉戟擔正有前冇後

對家彭美拉斯冇新增傷兵，主帥基連拿亦話明會照派遣卡亞迪斯、般奴施薩辛拿基同韋法臣李安度呢個三叉戟擔正，不過防中艾古倫上仗連環孭鑊累呢班波失兩粒畀邦迪比達，加埋中堅盧斯奧都已經35歲，有前冇後隨時前面入埋唔夠輸，撞正連開4口大嘅山度士，睇怕入波唔慌少，入球大值得再追多次。