皇蘇華拉度列做「大」龍鳳

猪拉多纳

今晚西甲繼續開快車，皇家蘇斯達會喺主場迎戰華拉度列，前者要保住來屆歐霸盃入場券，後者亦要為護級而戰，今晚肯定搏甩髀。不過兩隊防守都唔算好，1.72倍入球大最抵玩。

（開賽時間：周五凌晨3:00）
皇蘇防線表現反覆

皇蘇家陣落後打多場嘅「4哥」畢爾包10分，參戰下屆歐聯機會渺茫。不過佢哋至少要保住個歐霸盃資格，唔驚佢哋嚟緊會Hea踢。呢班波鋒力唔成問題，係衰在防線近期表現反覆，試過主場零封華倫西亞，但對艾美利亞、華歷簡奴呢兩隊護級分子又夾埋失7粒，今仗再發波瘟一啲都唔奇！

排尾二嘅華拉度列同樣要搶分護級，雖然前鋒漢拔圖奧蘇里奧肌肉受傷繼續抖，好在首席射手查維亞古艾拿連同其他隊友近戰都交到貨。不過，佢哋條防線作客表現勁唔掂，近8場客戰聯賽有6場至少失3球，就算右閘魯卡維拿復出都唔幫得咁多，今戰睇嚟又係一場大龍鳳，入球大當然值得捧場。