勝利還以顏悉

猪拉多纳

對戰兩敗谷住度氣

上星期同球彩台阿占一齊出席活動，放工時阿占問我澳職國家打吡睇好邊隊，其實妹頭一直都知國家打吡就係墨爾本勝利對FC悉尼，但係乜嘢來由就一知半解。畀阿占問一問，我就的起心肝上網做功課！原來澳職成立之初，勝利同悉尼都係聯賽中最強勁旅，而墨爾本同悉尼同屬澳洲主要城巿，所以國家打吡之名由此而來，一對賽都係踢到飛沙劈石。

咁又無錯喎，妹頭仲記得今季兩軍兩次對賽，悉尼贏晒兩場，上仗仲大派五蛋，佔晒甜頭。但今日係雙方第三次對碰，有主場之利嘅勝利近況比悉尼優勝，仲唔趁機會報仇咩，識捧當然捧主隊！
悉尼近況唔多掂

上星期勝利差啲就可以阻止獅吼提前奪冠，佢哋表現唔錯，可惜臨天光失波！不過今日勝利有後防主將阿達馬查奧爾及柏保路干查拉斯復出，防守力大增，仲要重返主場出戰，值得睇高一線！再加上常規賽亞軍喺季後賽可以直入四強，勝利夠晒爭勝誘因！雖然悉尼今日再勝一仗就可以大翻身，但佢哋上場輸畀阿德萊德聯實在難睇，妹頭就唔睇好佢哋喇。

（有線64及203台周六下午4時45分直播）
妹頭推介

墨爾本勝利VsFC悉尼

墨爾本勝利 勝