多蒙特要留力難讓史特加

猪拉多纳

歐洲各地主流球季去到關鍵時刻，西甲榜首三雄鬥得精彩，皇馬近期接連失利，剛過去周中有大戶睇得好準，計啱數皇馬贏唔到，臨場揀啱靚位追西維爾下盤，最終西維爾真係贏埋，唔少散戶盲目捧上盤出事，但呢班計數專家就獲利甚豐，唔到你唔服！

嚟緊周中又有歐聯上演，大家都要提防各路大軍留力，其中德甲球隊多蒙特人腳唔齊，今次作客史特加讓波好牙煙，一於捧主隊！多蒙特本身班底唔差，若然齊腳絕對係歐洲一線勁旅，但佢哋衰在後備薄弱，呢點係同拜仁最大差別。多蒙特隊內有好多傷兵，由於下場歐聯大戰皇馬實在太重要，預期今戰留力機會好高。史特加急需搶分救亡，戰意一流，受讓博得過，可兼顧埋大盤博雙殺！

（有線64及203台周六晚10時30分直播）
「雙城會」撐主隊

同日英超賽事史篤城主場對侯城，兩隊同級球隊碰頭，史篤城讓平半至半球，呢班波現時狀態係季內最勇，連場贏來狀態驚人，進步好多。侯城護級壓力暫時唔算好大，近況只係不過不失，照秤唔夠打，呢場可捧上盤。

（now 624周六晚11時直播）