真慷慨留住衝贏得

猪拉多纳

　　第八場三班1600米，雖然出馬只得11匹，但可爭勝馬卻不少，精采可期。葉「真慷慨」季初尚於第一、二班賽事上陣，六歲馬已見盡當然難爭，直至前仗重返三班即交回好表現，於漏閘情況下，單憑一條直路追回一席第四，表現不俗；上場谷草1800米卻突然跟前跑，有別過往最佳的留前鬥後跑法，故落第而回實不足為據。今戰田草1600米曾兩勝，乃首本路程之一，換上人馬合作三次獲一冠一亞一殿的潘頓亦似樣，只要早段留住等直路才展開衝刺，以其強橫後勁有權掃晒。

　　鄭「陽明星星」前仗終於征服三班賽，而蹄下敗將「贏得」現已高達94分，可見目前只71分的前駒大把上升空間，同樣有爭勝實力。

　　另外，尾場三班1400米，薛「包裝鬥士」今季來港先後跑過三仗，共獲季殿第五各一，愈跑愈好，其中上場於慢步速不利形勢下，可從差不多包尾位置追回一席接近第三，難度甚高，亦反映本身質素唔簡單。今場快馬不少，估計最低限度亦會有正常步速，可望後上取勝。向東