富咸夠戰意下盤嗒糖

猪拉多纳

去到季尾揀波幾時都要記住三樣嘢，就係爭標、爭歐洲賽席位同護級！西甲包尾大幡貝迪斯本來睇落冇得救，但上周中作客對住風流球隊利雲特結果贏埋，證明呢個生死時刻戰意往往重要過實力。西甲每逢季尾成日都有賣分呢啲蠱惑風傳出，肥叔認為信不信由你，但有樣嘢可以肯定，所有護級隊都特別有鬥心，實會砌盡，有幾多料畀晒你睇。

今次重心場次揀咗一場英超，富咸主場對「拖肥糖」愛華頓，捧主隊！呢場兩隊各有所求，富咸要搶分保住英超席位，愛華頓就要爭踢下屆歐聯，大家都有心搏殺。富咸一旦跌落英冠真係唔知前景如何，幕後人當然唔想降班，從佢哋不惜一再換帥都希望完成護級任務可想而知，富咸近期表現已有改善，呢班波喺主場始終有料到，集中精神打好場波，受讓半一係絕對值得一試！

（now 621周日晚8時30分直播）
蘇斯達讓波反得過

同日西甲賽事，奧沙辛拿主場對皇家蘇斯達，呢場兩隊都係有嘢爭，奧沙辛拿近期連場輸波，現時護級形勢危急，呢隊波不嬲靠主場搵食，點都儲埋啖火喺主場搶分。蘇斯達要爭下屆歐洲賽席位，但佢哋最大弱點係作客唔掂，今次仲要讓波，個盤絕對唔抵玩，呢場可試下盤。

（周日晚11時開賽）