彼德堡全攻型大有睇頭

猪拉多纳

今日Louis出擊目標落喺英格蘭聯賽錦標賽決賽，英乙車士打菲特同英甲彼德堡會喺中立場溫布萊球場爭霸，兩支球隊雖然來自唔同組別，但喺各自組別都爭緊升班，同時對呢個盃亦野心勃勃，Louis相信今場會係對攻決戰，大盤有1.9倍可作出擊重心。

（周日晚9時開賽）

今仗兩軍同樣攻強守弱，而且近十年來雙方四次碰頭，全部開出大盤。彼德堡目前位列高一級別嘅英甲第六名，甚有機會攞到升班附加賽資格，呢隊波近年冒起甚速，佢哋憑瘋狂進攻理念火速成名，俘虜唔少球迷。

球隊近期狀態有所下滑，聯賽經歷兩連敗，啱啱周中作客普雷斯頓輸1比3，不過教練戴倫費格遜呼籲球員同球迷暫時忘記聯賽嘅失意，佢認為贏得英錦賽冠軍有助球隊提升爭升班嘅士氣同信心，今仗預期會有超過兩萬名彼德堡球迷殺入溫布萊球場支持球隊，戴倫費格遜揚言彼德堡值得成為奪標熱門，今晚一定主動搶攻爭勝。
車士打菲特爭盃鬥攻

另一邊廂，車士打菲特雖然只係英乙球隊，但目前位列第三，有大好機會成功升班，因此大軍戰意旺盛，雖然球隊近兩仗入波數字唔多，但今仗有主力前鋒丹加特拿復出，鋒力有所提升。車士打菲特係前年英錦賽盟主，假如今晚贏波，將會同其餘八支球隊共享兩奪冠軍嘅榮譽，已經係贏得呢個盃賽次數最多嘅球隊，教練保羅曲克話球隊雖然低對手一個組別，但佢好清楚彼德堡嘅防線問題，今晚會以攻對攻，預期入波唔會少。
Louis 推介

車士打菲特大

4★

拉素大

3★

布拉加大

3★