聖伊天硬淨下盤有里

猪拉多纳

今日開始歐洲轉行夏令時間，對於要捱夜睇波嘅球迷嚟講絕對係好消息！今晚法甲尾場上演中部打吡，里昂主場鬥聖伊天，里昂周中將於歐霸盃八強火併祖雲達斯，加上聖伊天近年作客里昂不落下風，主隊讓平半阿King捧下盤。

（TVB 302周一凌晨3時直播）

法甲頭三名可取得來屆歐聯參賽資格，由於巴黎聖日耳門、摩納哥甩開成條街，餘下一席相信不離里爾、聖伊天及里昂之爭，排第五嘅里昂現時落後聖伊天三分，最理想當然係今場贏波收窄距離，不過佢哋仲要兼顧周中歐霸盃八強鬥祖雲達斯，論實力聖伊天絕非善類，依家排名仲騎住里昂，而且今場屬打吡戰，肯定打甩髀。聖伊天近年作客里昂戰績亦唔失禮，對上五次取得一勝三和一負，不敗率達八成，今仗有得受讓平半，下盤可作為過關重心。
串阿積士細小保加平手盤

另一場較早開波嘅荷甲大戰阿積士主場鬥川迪，阿積士剛於荷蘭盃四強戰消耗唔少體力，川迪作客擅打守勢波，而且高手過招大家都會謹慎，今場宜捧細盤。

（now 670周日晚8時30分直播）

最後阿甲周一清晨亦有場國家打吡，小保加主場鬥河床，河床今季作客四戰不勝，信心不足，相反小保加主場三戰不敗，平手盤捧主隊可坐和望贏。

（周一清晨5時15分開賽）