精選4串11八強全和

猪拉多纳

歐聯16強賽事可以話係優勝劣敗，大部分首回合主場失利嘅球隊，喺次回合都冇辦法成功翻身。唔少球迷相信嚟緊嘅8強賽事，都會出現呢個情況，不過Peter就奉勸大家唔好被誤導。

事實上，嚟到歐聯8強賽事，無論實力平均還是懸殊嘅賽事，相信都唔會出現16強首回合嘅情況。Peter一向唔信陰謀論，而足球比賽往往會有出人意表嘅戰果，所以今次歐聯8強賽事隨會有冷味。Peter根據值博率介紹兩條過關畀大家，一於小賭怡情。
四主隊「留前鬥後」

第一條過關係4串11四場八強賽事全部和波，Peter相信經過16強賽事嘅洗禮，四支主隊今場首回合都會打好防守先，到次回合作客先再放手一搏，所以推介呢條和波過關畀大家。曼聯對拜仁慕尼黑一仗被譽為實力最懸殊嘅賽事，唔少人都認為紅魔今仗係以卵擊石，所以Peter推介另一條和波3串4過關畀大家，就係巴塞和×巴黎聖日耳門和×皇馬和，唔預曼聯呢場。希望球迷們今晚既有刺激嘅波睇，又有斬獲，咁就最開心啦！