阿德搏盡打殘雄心

猪拉多纳

爭直入季後賽4強戰意足

澳職常規賽餘下兩輪，布里斯班獅吼已穩奪冠軍，墨爾本雄心、珀斯光輝亦緣盡季後賽，提防佢哋喺「例行公事」揸流攤。尤其近況低沉嘅墨爾本雄心，相信球員心態上等緊放假，今日作客阿德萊德聯，隨時Hea踢了事。阿德萊德聯仲要爭亞軍，博直入季後賽4強，戰意十足，主W穩陣。

（有線64及203台周五下午4時30分直播）

根據賽制，澳職常規賽冠亞軍可直入季後賽4強，第3至第6位球隊仲需要踢多一輪淘汰賽，排名對於爭總冠軍非常重要。「阿聯」現時僅落後次席中岸水手兩分，仍然有望反超前，當然前提唔可以再失分，既然目標清晰，點都會搏埋最後一段。事實上，「阿聯」主場表現相當有保證，近8次主場出擊取得6勝2和，包括兩挫勁敵水手，要過雄心呢一關，並唔困難。
雄心hea爆近4戰未威過

墨爾本雄心經過近4仗1和3負差劣演出後，無緣打入季後賽，由於澳職並冇降班制，換言之，對雄心而言，球季已經提早結束，又點會同你搏呢？值得一提，墨爾本雄心喺1月被曼城收購後，下季或會大換血，球員前景未明之下，更加無心戀戰，就算大敗都唔奇。如果想得到更高回報，讓球主勝亦可一試。