徐廐「鍾意」打叠搏

猪拉多纳

　　徐雨石馬房今季有進步，現時已得三十四場頭馬，比起上季多出八W。再者，練者近期手風亦順，對上兩個賽日都有馬贏，當中既有2.4倍的大熱門「銀飛龍」，也有14倍冷門「皇龍大師」，足證他冷熱皆拼。今日，他共派九駒上陣，當中更有三場賽事雙龍出海，值得留意。翻查資料，徐廐季軍馬再出通常續有佳績，若只計對上五匹已再出的季軍馬，分別取得兩冠一季一殿（見表）。這次九匹徐廐賽駒之中，只得頭場「好鍾意」上仗跑第三，可秤先。

　　頭場五班1200米，徐雨石派「宇宙駿駒」及「好鍾意」上陣，後駒雖是馬房第二選擇，但論近績卻是較好一匹，事關牠上仗才於田草1400米跑獲季軍。這次徐雨石安排牠縮程，繼續由薛寶力主轡，騎者對上三匹田草1200米坐騎兩次獲獎金，當中「日月光華」更以99倍冷馬身份獲季，足證他擅於此程搏殺，今次有力替「好鍾意」開勝門。配腳揀「龍東至尊」，潘頓季內五匹容廐田草1200米坐騎獲四冠一亞，值得兼顧。(資料組)