伊圖諾頂得住山度士

猪拉多纳

巴西聖保羅省聯賽周一凌晨上演決賽首回合，伊圖諾於掛名主場聖保羅帕卡恩布球場迎戰山度士。今次係山度士連續第六屆打入此項賽事決賽，過去五屆山度士一共攞咗三次冠軍，咁啱三次首回合都能保持不敗，反而另外兩次喺首回合輸波，最終都只能屈居亞軍，如果信宿命的話，今場首回合戰果足以反映佢哋可唔可以捧盃。

論名氣及實力，伊圖諾當然難和山度士相比，不過其實佢哋喺2002年亦曾經歷史性贏過唯一一次巴省聯冠軍，而且佢哋喺今屆晉級路途上亦展現了強勁防守力。首先喺分組賽階段，佢哋十五場比賽只失十球，係二十支參賽球隊中失波最少嘅一隊，然後踏入淘汰賽階段，面對保地花高SP及彭美拉斯亦連續兩場保持冇失波，成功殺入決賽，如果能夠保持此水準，山度士想喺首回合先拔頭籌並唔容易。

（周一凌晨3時開賽）