羅馬追雲由頭贏到尾

猪拉多纳

意甲隨住祖雲達斯上仗不敵拿玻里之後，羅馬睇落爭標又未絕望得晒，雖然依家落後8分，仲剩番7場波要追唔係咁易，但話晒有個機會擺喺眼前，都要全力爭取，今仗羅馬作客卡利亞里，卡利亞里近6仗主場勝負成單跳路，上場贏完睇攤路今仗會輸，配合羅馬近5仗都係由頭贏到尾嘅靚績，嫌1.55倍客W熱嘅話，半全場「客客」2.35倍係好選擇。

冇錯祖雲達斯今季贏意甲冠軍仲好有優勢，但佢哋要分心歐霸盃，聯賽或多或少放鬆手腳，所以呢段時間再失分並唔奇怪，羅馬上下唔通唔知咩？不過就算對手失分，自己都要把握形勢贏波，所以相信羅馬每場聯賽都會去盡。
卡利亞里單跳好路數

事實上，羅馬喺「王子」托迪傷愈復出後愈戰愈勇，最近5戰全部贏晒，除咗對拖連奴要比賽末段先至奠勝，其餘4場都贏得清脆利落，而且呢5仗全部半場已經領先，球隊確係托弗。

至於坐鎮主場嘅卡利亞里，以往主場威力已不復見，近期仲出現一條攤路，近6仗主場勝負單跳，上仗佢哋贏過維羅納，跟路行呢場會輸，羅馬大可成功搶3分追貼祖雲達斯，一於撐佢哋由頭贏到尾。
TVB 301周日晚9時直播