升力最夾蘇狄雄

猪拉多纳

　　今期谷草賽事三T雖然沒有多寶累積，但由於每關都有重心馬匹，如果啱心水，不妨買多少碰碰運氣。

　　三T頭關第四場四班1650米條件賽，鄭俊偉馬房「升力」上陣以來跑同程的表現最好，已獲得三亞一季，當中兩配蘇狄雄悉數入Q，可見人馬最合拍，上場用韋達落第後，今回配雄仔又排得一檔好位，應可見真章，有望贏馬出頭。

　　次關第五場四班1800米，方嘉柏馬房「光速銀桂」加佩眼罩後演出大有進步，四戰獲兩勝一位，上仗初跑谷草角逐一哩更以佳速取勝，而按贏馬姿態計，今仗增程跑1800米一定更合，由莫雷拉換上潘頓無損戰鬥力，仍有可勝之道。

　　尾關第六場三班1650米，方嘉柏馬房「方程式」雖然未出頭，但踏入今季之後表現不俗，六戰四上名，其中今戰之谷草一哩更兩度入Q屬首本路程。今仗對手未算太強，只要跑出應有水準，坐位望贏可做到。

　　（向東）