托盧卡細奪決賽權

猪拉多纳

聽朝除咗有自由盃外，仲有一場中冠盃4強次回合賽事，由墨西哥球隊托盧卡主場對哥斯達黎加球隊阿拉祖蘭斯。托盧卡首回合作客贏1比0，今仗返主場只要唔輸就可以打入決賽，一定穩穩陣陣守住勝果到完場，阿King認為今仗入球唔會多，捧細盤。

（周三早上8時開賽）
阿拉祖蘭斯恐有心無力

托盧卡首回合作客1球擊敗阿拉祖蘭斯，球隊實力明顯比對手強，今仗回師近10仗取得7勝3和嘅主場，贏波機會其實甚高。不過，托盧卡揸住一球喺手其實唔使博，只要穩穩陣陣保住勝果到完場就可以進身決賽，自然唔會胡亂進攻。而阿拉祖蘭斯因為要贏兩球先可以晉級，一定會主動搶攻，但球隊實力一般隨時有心無力，阿King睇好今仗應該冇乜交收，捧入球細。