噴射機「大」戰阿德

猪拉多纳

要晉級唔贏唔得

澳職常規賽嚟到最後一輪，依家排喺第7嘅紐卡素噴射機，仲有機會爭奪最後一個季後賽席位，不過大前提係要喺今日主場迎戰阿德萊德聯時攞足三分，所以佢哋肯定會毫無保留瘋狂進攻。由於阿德萊德聯同樣要爭上聯賽第二名，所以兩隊大有機會合演入球騷，撐1.59倍入球大！

（有線64及203周五下午5:30直播）
甘巴爾領軍 阿德火力冠澳職

噴射機今場唔係一贏波就可以晉級，仲要望排第6嘅FC悉尼星期日主場輸畀尾三嘅珀斯光輝至得。不過只要佢哋爭氣贏波，之後上場嘅FC悉尼喺壓力下有咩表現，都係未知之數。英格蘭前鋒布歷捷斯已經宣布踢埋今季就會掛靴，相信全隊上下都想同佢一齊踢多幾場，唔想咁快「收咧」住嘅。其實，佢哋之所以搞到依家咁樣，都係條後防線累事，近兩場聯賽都係尾段失波先至失分，睇嚟「噴射機」除咗喪攻之外，都無第二條路可以行喇！

阿德萊德聯由曾經喺香港執教傑志嘅甘巴爾領軍，各位球迷都知呢位教練一向崇尚「娛樂性足球」，依家球隊入咗45球，更加係澳職之冠。今場即使作客亦肯定唔會玩龜縮，尤其後衞馬朗尼受傷缺陣，佢哋就更加要加多兩錢肉緊進攻，實行「以攻為守」，今場入球大有保證！
頂占筍盤：紐卡素噴射機（入球大）