賓菲加無敵主場可贏波

猪拉多纳

今晚阿King睇中咗場葡萄牙盃4強次回合賽事，由「里斯本雄鷹」賓菲加主場對波圖。首回合波圖喺自己地頭小勝1比0，今仗賓菲加回師無敵主場出擊，有望收復首回合失地，兼成功過關殺入決賽，阿King強捧1.89倍嘅主W。

（周四凌晨3時45分開賽）

波圖首回合主場憑射手積臣馬天尼斯射入全場唯一入球小勝1比0，今仗作客相信難以重演首回合嘅紀錄，皆因賓菲加今季主場戰績極惡，23場賽事錄得18勝5和嘅不敗佳績，今仗主場出擊要贏波相信毫無難度。

波圖今季戰績冇以前咁厲害，盃賽已成為球隊最後希望，可惜作客戰績麻麻，近七仗客戰贏得一次。波圖一月時聯賽作客賓菲加時就曾淨吞雙蛋而回，今仗面對近排甚弗嘅「里斯本雙煞」前鋒洛迪高摩連奴及洛迪高利馬，相信難有運行，阿King睇好賓菲加可收復首回合失地，捧主Ｗ！
串拉魯斯Ｗ利昂細盤

南美自由盃方面，阿根廷球隊拉魯斯主場已連贏七場，面對作客平平嘅墨西哥球隊拿根亞，贏波應該毫無難度，捧主隊。另一支墨西哥球隊利昂同玻利維亞球隊玻利瓦爾曾於分組賽兩次碰頭，呢兩場波都係開細盤，證明雙方入球能力有限，今仗入球細有分頭值得再追！