維拉利爾讓波必反

猪拉多纳

由於復活節假期關係，英冠、英甲及荷乙齊開快車，所以今晚有五十多場賽事受注，不過阿King今日重心推介放喺西甲，馬拉加主場鬥維拉利爾。維拉利爾踏入季尾表現回落，對上一次聯賽連捷已經係一月份嘅事，上周贏完利雲特今次隨時又失分，作客讓波信唔過，馬拉加讓球主勝可作過關重心。

（周二凌晨4時開賽）

維拉利爾今季重返甲組季初係威係勢，上半季大部分時間穩佔聯賽前四名，一度有力爭奪下屆歐聯入場券，不過捱咗大半季球隊成績開始回落，其中最大問題係保持唔到穩定水準，經常贏完一場又輸一仗，未計周一凌晨賽事已經落後第四位嘅畢爾包十分，現階段保住歐霸盃席位較實際。馬拉加上輪作客不敵畢爾包只怪技不如人，今返主場有力打場爭氣波，以佢哋上次主場大勝CF格蘭納達四比一嘅水準，有得受讓值得捧場。
科根堡態沉靠唔住

另外兩場賽事，瑞典超科根堡主場鬥艾夫斯堡，科根堡陣中球員寂寂無聞，但教練卻大有來頭，就係曾効力多支歐洲勁旅嘅前國腳軒歷拿臣，不過佢教波明顯冇自己落場咁醒，今季帶領科根堡升上瑞典超後四場聯賽輸咗三場，士氣低落。相反艾夫斯堡上仗剛剛擊敗勁旅希爾星堡，狀態當銳，有力乘勝追擊再下一城，客W可捧。最後葡超波圖主場鬥里奧艾維，波圖接連於歐霸盃及葡萄牙盃被淘汰，不過聯賽卻取得兩連勝，今於主場迎戰位列中游嘅里奧艾維，有力淨勝兩粒開讓球主勝。