馬體會有料到獲莊家強捧

猪拉多纳

歐聯去到4強爭霸階段，西甲佔兩席，德甲同英超各有一隊，雖然巴塞隆拿同曼聯等名牌球隊已經出局，但4強球隊仍然極具號召力，佢哋實力非常接近，而且各有捧場客，生意想唔好都幾難，預期走地投X會好踴躍，各地菠菜公司嚴陣以待，甚至有個別莊家要加派人手添！

單論名氣，馬德里體育會係4強之中最冇星味嘅一隊，但呢點反而成為佢哋最大優勢，有幾棵大樹遮蔭，唔會有咁多人留意，壓力自然較細。馬體會話就話冇乜巨星，但踢落絕對唔講得笑，呢班波現時於西甲都帶緊頭，教頭施蒙尼確係有料到，如果保持穩定發揮，一個唔覺意隨時做埋雙料冠軍。車路士主帥莫連奴係叻，但班波明顯未執掂，對住大勇嘅馬體會未必夠揪，今場作客受讓平半，部分莊家更開到半球盤，明顯睇好馬體會可以先拔頭籌。由於係準決賽，兩班波肯定踢得謹慎，而佢哋嘅踢法都係硬橋硬馬，唔好預期有好多入波，入球細先至係投X重心。
雷丁鬥心爆棚砌米堡

同日英冠有場雷丁主場鬥米杜士堡，論近況雷丁唔算好，但呢班波仍未放棄爭升班附加賽席位，去到季尾揀波點都係以鬥心行先，風流球隊米堡作戰態度唔會太積極，雷丁讓半球捧上盤！