尾場大熱門「可」靠

猪拉多纳

　　筆者在昨日專欄提及，4月至今共有四次頭場編為五班賽事，結果該四匹大熱門悉數非勝即位，故建議大家今次如想先拔頭籌，不妨揀大熱門做QT膽。其實，尾場的攤路最好也要睇通睇透，皆因不少馬迷經常跟馬會「戰鬥」至最後，最尾一場往往是賭仔們的勝負關鍵，計落應早早作出部署。

　　回看最近尾場的趨勢，如刻意捨棄大熱門的話，相信不易取得甜頭。根據對上七個賽日的戰果顯示，尾場大熱門馬合共取得2冠1亞3季1殿（見表），換句話說，若然閣下喜歡賭四連環及四重彩，但本身又不鍾意兼顧大熱門一票，最終原來並無收錢機會。既然同類分子的近績理想，今次如想在第十場的二班1400米贏錢，捉路應倚重大熱門。

　　韋達連贏七日當旺

　　若以第十場參賽馬的近績推斷，預計臨場大熱門應是「誰可拼」。這匹姚自購馬在最近四仗累積1冠2亞，入Q率超過七成之餘，其中上仗配潘頓跑二班1400米，沿途居於前列的牠，終點前以半個馬位不敵「閃爍武士」得第二；這次兩駒再度碰頭，「誰可拼」不論負磅及排檔均較「閃爍武士」優勝，要反先無難度，加上今次由已連贏七日的旺人韋達執韁，三甲穩陣。歐陽志恆