波圖1.84倍上盤咪走雞

猪拉多纳

捧盃最後希望焗砌

輸埋就四大皆空，呢隻鑊冇人孭得起，所以波圖今晚响葡聯盃4強主場迎戰賓菲加，根本就當正決賽咁踢，佢哋小讓平半，個1.84倍上盤博得過。

（開賽時間：周一凌晨1:15）
賓菲加留力歐霸盃

波圖今季影都冇埋，葡超冠軍畀賓菲加攞咗，早排响葡萄牙盃又輸畀對方無緣決賽，喺歐霸盃又衰埋，家陣剩低有機會嘅就係得個葡聯盃，唔輪到佢哋唔搏。尤其是今晚邊隊贏到，決賽嘅對手只係里奧艾維，可以話攞梗冠軍咁滯，波圖又點會繼續死蛇爛蟮吖！

如果講全季表現，賓菲加今晚作客贏波圖一啲都唔奇，不過星期五佢哋就要作客祖雲達斯踢歐霸盃4強次回合，呢幾日賓菲加10段消息有9段都同呢場波有關，明顯佢哋只係吼住個歐霸盃，葡聯盃呢啲細咪嘢邊得閒理吖？何況伊度亞度沙維奧、奧斯華度加坦呢啲主力好大機會留力養傷，點頂得住波圖呢？