入決賽比漂亮足球重要

猪拉多纳

相對其他歐洲勁旅，車路士同馬德里體育會陣容上及人腳都唔算特別優秀，佢哋能夠殺入歐聯4強，莫連奴同施蒙尼都居功至偉，尤其係莫連奴，呢位有料教頭成功演繹防守戰術，全隊球員喺莫帥嘅部署下，有紀律地做好整體防守，嗰種不漂亮方式唔係人人認同，但除咗本身想入決賽甚至攞冠軍嘅領隊同資深嘅教練，一定會明白要贏錦標，如此部署係確有需要。

其實車仔同馬體會呢個Match up，雙方教頭都知道，要喺主場贏波先可以晉級，所以莫帥喺首回合作客時拚死唔失波，返嚟次回合再部署過，相信只要能夠入到決賽，球員亦樂於接受呢套戰術。
半場摸和機會高

至於今場究竟會點發展，Peter認為兩軍都唔想失第一個波，上半場應該以和為貴。不過，由施蒙尼執教嘅馬體會亦知道齋靠防守係唔可以贏波晉級。相對嚟講，Peter估計馬體會於首20分鐘反而會較主動，因為只要佢哋攞到一個作客入波，車仔要入兩球先至可以晉級，以莫連奴現時手上嘅前鋒人選，似乎並唔易做到。因此如果馬體會攞到呢一粒，幾乎可以話係立於一敗之地；但如果車仔呢20分鐘守得住，今仗半場甚至最終打和嘅機會好高，而成場波入波一定唔會多，大家見入球細賠率咁奀就知啦，波膽我會認為係「0:0」或者係「1:1」。
金句：超班可保錯誤 防守可挫勁敵