祖記晉級1.65倍抵玩

猪拉多纳

賓菲加傷停多

兩場歐聯4強大戰踢完後，邊兩隊喺5．14爭奪歐霸盃，今晚亦會有定案。今晚歐霸4強次回合焦點繼續落喺祖雲達斯主場鬥賓菲加身上。首回合祖記作客輸波，但佢哋班球員身經百戰，咁啱賓菲加有幾名主力傷停，要保住優勢殺入決賽唔易，今場可以玩1.65倍祖雲達斯晉級。

（有線61及201、廣東體育周五凌晨3:05直播）

自從對上一次喺1996年贏過歐聯之後，祖雲達斯都無喺任何歐洲賽威過，門將保方都話希望可以重溫多次喺歐戰捧盃嘅舊夢。雖然祖記首回合作客輸1:2，但有泰維斯呢個作客入球在手，佢哋今場只要贏1:0都夠淘汰賓菲加入決賽。
揸住作客入球贏1:0都掂

人腳方面，以意大利國家隊後防陣容保方、基亞連尼、邦路斯同巴沙利組成嘅祖記防線，近8場主場只失咗3球，賓菲加想喺祖雲達斯球場入波都唔係咁易。雖然祖記中場維達爾有傷或先任後備，不過有派路落場領軍，加上後生可畏嘅保羅普巴助攻助守，前線泰維斯同洛蘭迪都有極強把握力，夠晒反勝晉級本錢啦！

葡超冠軍賓菲加實力當然有番咁上下，但佢哋今場有中場安祖高美斯停賽，奧斯華度加坦、伊度亞度沙維奧同費積沙受傷唔踢得，作客難阻人強馬壯嘅祖記入決賽。
頂占筍盤：祖雲達斯晉級