黑貓遇魔博半場大

猪拉多纳

「黑貓」發惡非同小可！「黑貓」新特蘭連續爆冷，繼喺曼城及車路士身上搶到4分後，上仗護級「6分波」大炒卡迪夫城4蛋，打出今季最強氣勢，今晚英超作客曼聯都未驚過，必然一鼓作氣乘勝追擊，繼續搶攻。曼聯由傑斯暫掌帥印，亦「魔」性復活，大踢悅目足球，加上射手尹佩斯可望復出，增添火力，預料上半場已有交收，大盤1.46倍熱爆燈，一於博2.1倍半場大。（now 621周六晚10時直播）
曼聯下周公布尹戈爾任教

新特蘭目前以較佳得失球力壓同分嘅諾域治，位居尾4，兼踢少1場，護級前景大有改善。不過佢哋始終只係領先包尾嘅卡迪夫城兩分，根本冇失分空間，要力求贏晒餘下3仗。領隊普耶近期大膽採取主攻戰術，效果顯着，分別打和曼城，擊敗車仔，球員信心大增，遇上今季大部分時間處於弱勢嘅曼聯，更加未驚過，隨時反客為主搶攻。事實上，「黑貓」一對前鋒域咸及波連尼腳風非常順，前者近3仗共轟入5球，可望上半場就有斬獲。

傑斯上仗首次以主帥身份率領曼聯出戰，即大勝諾域治4比0，重現費格遜時代悅目進攻組織，技術出眾嘅桑馬達梅開二度，成為受益者。據悉，曼聯將於下周公布下季由荷蘭名帥尹戈爾擔任領隊，傑斯冇心理包袱，應會把握最後3場機會，指揮球隊踢進攻足球，娛樂球迷，留下美好回憶。雖然朗尼有傷上陣成疑，但尹佩斯可望復出，足以填補佢嘅位置，同新特蘭大駁火。