馬體會爭標大利

猪拉多纳

西甲爭標真係去到最後衝刺時期，馬德里體育會暫時甩開兩大班霸皇家馬德里同巴塞隆拿，現已被各地莊家捧成奪冠熱門，賠率熱到燙手，睇落真係冇得輸咁！不過，去到呢個階段更需要考驗馬體會球員嘅心理質素，始終佢哋近年絕少機會有得爭，真係臨門撻Q都絕不為奇。

馬體會今輪作客中游分子利雲特，又係被捧成一面倒熱門，作客都要讓到球半、兩球，個盤都幾辣！馬體會近期雖然成日險勝對手，但始終都係咁扯飛，而利雲特現時已無降班壓力，可以大踢風流波，呢點亦係今場馬體會被睇好嘅主因，但係佢哋喺歐聯搏得好盡，匆匆再戰後防未必會咁穩陣，唔排除會有失波，預期今戰士哥會偏多，入球大值得留意。

（now 632周日晚11時直播）

同日西甲另一爭標分子皇家馬德里就喺主場鬥華倫西亞，皇馬慣性受到散客追捧，初盤要讓到兩球半。大佬，華倫唔係冇反擊能力嘅魚腩，個上盤絕對唔抵玩，呢場可試下盤，順便兼顧埋入球大，博雙殺！

（now 632周一凌晨3時直播）