獅吼流浪者「細」水長流

猪拉多纳

澳職冠軍戰先求穩守

澳職王者今日誕生！季後賽總決賽上演夢幻決戰，常規賽盟主布里斯班獅吼主場迎戰「二哥」西悉尼流浪者，兩隊實力相差唔遠，西悉尼流浪者經歷過上季總決賽輸波之痛，今場勢必打穩陣波先求穩守，崇尚控球嘅獅吼預計亦唔敢輕舉妄動，今場隨時一球定勝負，一於吼1.62倍「入球細」！

（有線64周日下午2:00直播）
獅吼近3次對賽不敗

兩隊喺常規賽3次交鋒，獅吼攞到1勝2和未輸過，不過近兩場都只係打成1:1平手，證明雙方實力不相伯仲。獅吼教練梅維早前獲選為今季澳職最佳教練，賽前有消息話佢考慮變陣，搵踢閘嘅法蘭積取代有傷嘅柏拉杜斯踢翼鋒，擺明係想加強防守力。

西悉尼流浪者上年喺總決賽0:2不敵中岸水手飲恨，前鋒艾比亞古比話上季佢哋因為「太激動」而影響決賽表現，吸取經驗後相信會踢得更冷靜，而且另一名前鋒布歷捷斯有傷在身上陣只係「五五波」，今場更加唔敢輕言進攻。查實對上6季澳職總決賽，有5季都係開「入球細」，今場睇怕入波都唔會多咯！
頂占筍盤：布里斯班獅吼（入球細）