快馬多利金叻星追

猪拉多纳

　　因跑馬地馬場周邊地方有工程進行，計埋今個賽日，季內只餘下五次谷草賽事。這個馬場向來是方嘉柏及華倉的搏殺聖地，現時在數字上仍有機會爭冠軍練馬師的方嘉柏當然次次砌盡，但最要留意的，是尚未上岸的華倉，事關他們想唔接警告信，就要靠谷戰了。

　　第一口孖T頭關第三場四班1650米，方「光速銀桂」近六戰獲兩冠兩季一殿，狀態弗到爆燈。上仗回爭谷草同程卻遇上慢步速，不利其後上跑法，最終只能跑獲季軍，今次潘頓唔放手繼續騎，再加上同場有「綻放美麗」這匹唔放冇運行之馬，步速應該會快，「光速銀桂」有力為馬房添勝。

　　尾關第四場四班1650米，李「金叻星」今季兩次跑獲殿軍雖然都是受惠快步速，但一次是三班田草1600米，一次是四班田草1400米，賽事的級數必比四班谷草1650米高，只要此駒今次賺到快步速，要贏有幾難？恰巧這次有「威仔皇」及「正紅旗」兩匹快馬在陣，「金叻星」可憑後勁開勝門。