心情忐忑 靜待奇迹

猪拉多纳

等足24年，利物浦能否創造奇迹，首嘗英超冠軍滋味？本報記者麥馬拿仁接受球隊主要贊助商渣打銀行之邀，於當地時間周六晏晝殺到利物浦市，準備為《東網》及《東方日報》直擊聯賽鬥紐卡素嘅最後一戰，現場睇紅軍會唔會神經刀到尾，爆大冷壓倒曼城捧盃。

拿仁強捧紅軍18年，今年百般滋味在心頭，冠軍這麼近那麼遠，今次到利市亦心情忐忑，當然期望會有奇迹出現。今次晏菲路之旅除入場睇爭標關鍵戰外，仲會同名宿會面，亦會跟進由渣打銀行主辦、將於晏菲路舉行嘅渣打5人足球挑戰盃總決賽。另外，由7位本地年輕小將組成嘅飛龍足球隊，將代表香港於晏菲路力爭5人賽冠軍。總之今次英國之旅既緊張又刺激，無論你係咪利迷，都要黐實《東網》同《東方日報》，留意拿仁嘅報道。