奧沙戰意鮮明值捧

猪拉多纳

西甲貴為歐洲排名第一嘅聯賽，競爭程度自然非常激烈，到季尾呢個階段，爭標同護級仍然鬥得難分難解。投X策略上，要吼實仲有嘢爭嘅球隊，貪佢哋戰意充足，尾二球隊奧沙辛拿僅比第十五位嘅CF格蘭納達少三分，而且餘下兩仗對手實力唔強，仍然有望逃脫降班漩渦，奧沙辛拿今晚作客愛斯賓奴，有得受讓平半揀下盤，等執半個隨時收全個盤，值得一試。（周一凌晨1時開賽）

奧沙辛拿呢班波質素唔差，只係上半季輸得太多，搞到要為護級而戰。球隊踏入季尾，搶分決心鮮明，早前鬥兩支前列球隊皇家蘇斯達同華倫西亞，都可以力保不敗，足見韌力十足。奧沙目前位處降班區，但僅以些微分數落後，一輪賽事足以起死回生。對奧沙辛拿最有利係餘下兩仗對手僅為踢風流波嘅愛斯賓奴，以及篤定降班嘅貝迪斯，攞足六分絕對唔奇。愛斯賓奴近六仗一和五負，明顯已經無心戀戰，唔介意幫奧沙辛拿一把。
博洛卡坦尼亞護級「大」戰

另一場護級戰，ＣＦ格蘭納達主場對艾美利亞，CF格蘭納達早前主場贏過巴塞隆拿，絕對唔嘢小，只要贏埋今場，好大機會上岸，眾志成城，有力全取三分。意甲方面，博洛尼亞主場對卡坦尼亞，屬於護級生死戰，尾二卡坦尼亞落後尾三博洛尼亞三分，若然今仗贏唔到，勢必護級無望，卡軍近期踢得好放，再追大盤。