煞科審判睇戲睇全套

猪拉多纳

播足9個月的長篇連續劇─英超爭霸，今晚終上演大結局。曼城今戰韋斯咸只需1分亦幾乎肯定封王，今季三度與韋斯咸交手，兩次作客分別贏3:0及3:1，主場更大勝6:0，相信利迷亦不會對韋斯咸寄予厚望。紅軍主場迎戰紐卡素贏面雖高，但始終要望曼城輸波，首個英超冠軍的機會實在渺茫。（now622台周日晚10:00直播）

曼城如能加冕，將是3年內2度封王，計埋上季亞軍，絕對稱得上是近年英超霸主。畢竟曼城板櫈深度最雄厚，入球過百，更有望打破昔日車仔的入球紀錄，後防則是僅次車仔的英超第二最佳防線，相比起「有攻無守」的紅軍及「有守無攻」的車仔，曼城確實演繹出何謂「攻守兼備」。利記一眾球員，甚至教頭羅渣士均缺乏爭標經驗，關鍵時刻難免被心理壓力拖垮。莫連奴則太醉心歐聯，令球隊今季6度於歐聯賽前輸波。雖然英超大勢已定，但「睇戲睇全套」，今晚煞科戰你又怎能錯過？