我有葡國血統但撐西維爾

猪拉多纳

西甲球隊西維爾同葡超球隊賓菲加將會喺今晚歐霸盃決賽一決雌雄，度士本身有葡萄牙血統，感情上當然希望賓菲加能夠贏波捧盃。

不過，當見到賓菲加喺今場決賽竟然要讓西維爾平半，理智話畀度士知呢個盤口唔係太適合投X賓菲加，所以度士今仗睇好受讓嘅西維爾。
決賽讓波嗰隊捧唔過

賓菲加喺歐霸盃嘅表現真係唔錯，能夠兩回合淘汰意甲冠軍球隊祖雲達斯，更加令人覺得呢班波非常唔簡單。由於今場決賽係喺意大利都靈祖雲達斯球場舉行，賓菲加正正喺4強次回合成功喺呢度守和祖雲達斯晉級，可能因為咁而獲睇好可以讓今場對手西維爾平半。

不過，今場係一場過嘅決賽，實力較差嘅球隊亦未必冇贏波嘅機會。度士認為決賽可以讓波嘅球隊，一定要有皇家馬德里、巴塞隆拿同拜仁慕尼黑咁嘅頂級級數，賓菲加拍埋佢哋嗰度始終有種未夠班嘅感覺，而且西維爾嘅實力亦唔係想像中咁曳。

度士始終覺得決賽呢啲五五波嘅場合，如果球隊實力冇番咁上下級數，要讓波嘅一方始終都係幾蝕底，所以度士今場會支持受讓嘅西維爾。