西流三箭做大騷

猪拉多纳

早少少開波嘅西悉尼流浪者主場對廣島三箭，首回合廣島三箭領先三比一，理論上今場Hea踢都得，不過作客又係另一回事，由於澳職完晒，呢場可以話係西悉尼流浪者最後一戰，橫掂冇後顧之憂，不如喪攻一場博吓，事實上佢哋晉級未絕望，渡邊年相信只要其中一方打開紀錄，今場一定係入球騷，賽前先買一個大盤，如果早入到波，即場投X唔怕追多一注。

（now 671及672周三下午5時30分直播）

首回合渡邊年都有睇番新聞片，廣島三箭雖然控制戰局，但西悉尼流浪者又唔算捱打，更有一個作客入波，若非補時階段畀三箭入多一粒，「西流」形勢未至於咁差。不過，從另一角度睇，「西流」後防喺比賽末段集中力不足，令三箭有機可乘。

澳職水平當然冇日職咁好，但「西流」唯一好處係澳職已經收咧，佢哋疊埋心水踢呢場，一心反先，鬥志唔使懷疑，亦唔需要留力，硬搶未必唔夠三箭嚟，如果佢哋豁出去，後防亦會有空位畀三箭，造就呢場波可以大手交易。