色彩傳奇有恃無恐

不死鸟

剛戰騎師王競爭都算激烈，幾位要到最後一場才決出勝負，之前蔡明紹、柏寶、杜利萊、馬偉昌甚至賴維銘都有機會，結果由馬偉昌憑「玩具神話」起孖兼封王。而這匹處女馬轉攻谷草開齋亦只得7倍，信心看來並非來自普羅馬迷，值唔值博見仁見智，而同場杜利萊匹一面倒熱門「精算大師」，中段操之過急，埋門乏力跑梗頸四，乜都斷晒，戰意無懷疑，有時求勝心切大師傅亦會失手。相對之前騎?匹「馬中神駒」，雖然排不利的11檔，臨場回飛有成9倍，中段有位唔楔入而走四疊，跑第5追勁強，決心成疑。跑馬就是這樣的，有信心唔代表一定贏，無信心就一定輸，兼且跑道偏差咁大，幕後部署進可攻，退可守。
今期韋達復出，騎足11場，預期有半數會成大熱門，馬迷切勿胡亂捧場，否則好易墮陷阱。介紹第10場2班1600米，蘇?「色彩傳奇」同程開齋一役，亦負133磅以佳速掄元，之後跑幾場級際賽亦曾上名，今仗跑2班對手減弱隨時可還我本色。